الثلاثاء، 24 نوفمبر 2015

مقارنة بين أنواع الشهادات المؤهلة لدخول الكليات في مصر

نقلا عن هذا المنشور على الفيسبوك :

البوست ده للأهالى الى بتسأل عن الفرق بين أنظمه التعليم المختلفه فى مصر
المعلومات هنا بعضها يحتمل الخطأ لانها مصدرها طلبه و مدرسين و اهالى و النت و كتب ...
كلنا عارفين الثانويه العامه .. ندخل على الى بعده.. طيب ولى الأمر مش عارف يدخل ابنه ايه؟ ثانويه عامه ولا American ولا British ولا Canadian ولا يعمل ايه؟ ايه الفرق أصلا بينهم؟ بالنسبه للمصاريف معرفش بتختلف من مكان لمكان. بالنسبه للدروس الخصوصيه كله بياخد دروس خصوصيه بلا استثناء ب بدرجات متفاوته من نظام الى اخر. يعنى مثلا طلبه الثانويه العامه بياخدوا دروس عشان يحفظوا الحاجه صم .. طلبه الأمريكان بياخدوا دروس عشان يعرفوا الى حاطط الامتحان بيفكر ازاى و يعرف يحل بسرعه فى الوقت المحدد و بدقه. قلت رأيي قبل كده ان كله محصل بعده و كله بيلف فى نفس الدايره .. بس حابه أوضح الفرق بين الأنظمه عشان الأهالى بتسأل و حابين يعرفوا الفرق.
نبدأ بمميزات الأمريكان:
- السنه الدراسيه متقسمه لأربع quarters.
- درجه الطالب أخر السنه هى متوسط الأربعه quarters..يعنى لو عك فى واحد ممكن يلحق نفسه فى التانى
- يعتمد على القراءه النقديه و تعلم القواعد و تطبيقها و برضه فيه نسبه حفظ مش قليله
- المنهج الأمريكى معظمه سهل و ممتع و مش طويل.
- الشغل طول السنه مش كربسه و هلع ما قبل الترمات.. هو كده كده بيل درجات من كل حاجه ..واجبات ..projects etc...
عيوبه:
- المدرسه هى الى بتختار الكتب و المناهج و يدرسوا ايه و ميدرسوش ايه.
- المدرسه هى الى بتحط الأمتحان (ما عدا الSAT) و مفيش اى رقابه عليهم و هما الى بيصلحوا و بيبعتوا النتايج
- grade 11 and 12 الى هما زى ثانويه عامه عندنا.. الطالب بيمتحن امتحانات مواده العاديه و دى عليها 40% بس من المجموع .. الباقى بيمتحن ال
SAT الى هو Scholastic Aptitude Test و بيكون فى الانجليزى و الرياضيات و م من حق الطالب انه يدخل الامتحان لحد 6 مرات عشان يحسن مجموعه.
- درجه النجاح و القبول فى الجامعات 65% اى 1320 درجه من 2400
طيب ايه هو الSAT?
الدبلومة الأمريكية هى شهادة الثانوية الأمريكية المقابله للثانوية العامة المصرية , بدأ امتحان السات فى 1901 من خلال عمل مشترك بين أكبر جامعات أمريكا عشان يعملوا أمتحان يقيس مدة استحقاقية الطالب لدخول الجامعة أو لا و تطور كثيراً من خلالCollege Board و هى المؤسسة الوحيدة المسؤلة عن هذا الامتحان و المنهج فى جميع أنحاء العالم .
تنقسم الدبلومة الأمريكية الى 3 أقسام :
1 – امتحان الـ SAT I
2 – امتحان الـ SAT II
3 – الـ GPA
نبدأ بامتحان الـ SAT I :
ده أهم واحد لأن عليه 75% من الدرجات الكلية و كله طلبه الدبلومه الأمريكيه لازم يمتحنوه. أمتحان السات كله Choose” ماعدا كتابة الessay و بعض أسئلة الـ Math
يتكون هذا الامتحان من ثلاث مواد أساسية (Reading – Writing – Math)
الـ Reading
هى مادة تعتمد على الادب و الروايات والمقالات. الطالب مطلوب منه قراءة القطع و الاجابة على اسئلة مثل : ماذا كان يقصد الكاتب , ماذا كانت لهجته هلى هى جادة أم ساخرة الخ ..
و تعتمد أيضا على حفظ الكلمات و المعانى.
الـ Writing
تعتمد على ال “Grammarو الspelling , و الكالب لازم يكون داخل الامتحان متدرب كويس جدا على الessay writing
الـ Math
يعتمد الـ Math و هنا بئه بيجيله كل حاجه درسها من ابتدائي لحد يوم امتحانه ..ممكن يجيبله سؤال من درس خده فى سنه رابعه مثلا! .. يعتمد الحل على الذكاء و التفكير السريع و معرفة القواعد جيداً .
ثانياً امتحان الـ SAT II :
للى عايز يدخل الكليات العلمية مثل الطب و الهندسة و يتكون هذا الامتحان من 4 مواد يختار منها الطالب مادتين فقط على حسب الكلية الراغب فى دخولها و تتكون مواده من Math , Biology , Chemistry , Physics
يستحوذ هذا الامتحان على 15% فى حالة الدخول الى كلية علمية .
ثالثاً الـ GPA
و هى الدرجات التى يحصل عليها الطالب فى المدرسة و تكون بناءً على المواد المدرسية و أعمال السنة , الخ ..
و دى عليها 40% من المجموع الكلى .
المجموع الكلي لطلاب الكليات العلمية 130%
المجموع الكلي لطلاب الكليات الاخرى 115%
يمكن للطالب الدخول الى الكليات الحكومية أو الخاصة على حسب مجموعه , من خلال تنسيق خاص بطلبة الدبلومة الامريكية . مع العلم ان طلبه الانظمه غير الثانويه العامه ليهم نسبه فى التنسيق للجامعات الحكوميه و اظنها 5%
طيب.. فى خبر حلو.. الSAT حصل فيه تغيير هيبدأ يطبق من 2016
نقول الأول على شكل الSAT الحالى:
ينقسم أمتحان السات الى جزئين أساسيين SAT I , SAT II
يتكون كلا الامتحانان من اسئلة “Choose” لكل سؤال خمس أختيارات , يحذف سؤال صحيح لكل 4 اسئلة يحلها الطالب حلاً خطأ .. يعنى لو الطالب حل 4 اسئله غلط .. يحسبوله 4 غلط + خذف اجابه من واحد من الاسئله الى كان حاللها صح
- وقت الامتحان تقريا 3 ساعات و 45 دقيقة , و ينقسم الى 10 اجزاء , 3 اجزاء لكل مادة و جزء متغير , يعتمد الامتحان فى الاساس على سرعة التفكير حيث يكون جزء اساسى من تدريبات طلاب الدبلومة الأمريكية هى تدريبات على السرعة فى الحل و الانتهاء فى الوقت المحدد بأقل أخطاء.
- يحاسب الطالب على الأسئلة الخاطئة و لا يحاسب على الاسئلة المتروكة بدون حل .
- الامتحان من 2400 درجه total
- الessay اجبارى
طيب ايه الى هيتغير؟
- الدرجات هتبقى من 1600 بدﻻ من 2400 .
- الامتحان هيبقى متقسم 800 درجه MATH و 800 درجه لل English . يعنى لو حد مش قوى اوى فى الانجليش ممكن يعوض فى الmath
- الامتحان هيبقى 3 ساعات بس.
- ال Essay هيبقى اختيارى و مدته 50 دقيقه بره ال3 ساعات الاساسيه و ده للى عاوز.
- الأسئله الغلط مش هتتخصم من الصح, هتاخد درجاتك على الى انت حليته و بس.
- ممكن يمتحنه على ورق و ممكن اونلاين
- وقت الامتحان تقريا 3 ساعات و 45 دقيقة , و ينقسم البى 10 اجزاء , 3 اجزاء لكل مادة و جزء متغير , يعتمد الامتحان فى الاساس على سرعة التفكير حيث يكون جزء اساسى من تدريبات طلاب الدبلومة الأمريكية هى تدريبات على السرعة فى الحل و الانتهاء فى الوقت المحدد بأقل أخطاء.
- الاجابابت معدتش choose و بس ... هيتطلب من الطالب يكتب الدليل على صحه اجابته.
- فى اجزاء فى امتحان الmath هيتمنع فيها استخدام الcalculator عشانيقيسوا مدى فهم الطالب و قدرته على الحل و انه يشغل مخه
و تغييرات تانيه هتبان لما يبدأ تطبيق الانظام الجديد
طيب يبقى الأمريكان اسهل بس الولد برضه هيشتغل كتير و لازم يذاكر كتير والا مش هيفلح.
و مينفعش الاهل يلاقوا الطفل ضعيف .. نستسهل و ندخله أمريكان ..ده مش حل .. ده تأجيل للكارثه لحد grade 11.
فى دلوقتى مشكله.. فى فرق فى التوقيت بين مصر و امريكا.. و احنا قلنا ان الSAT بييجى من امريكا للعالم كله ..مصريين صينيين ..كله نفس الامتحان.. فا بعض المدرسين عديمى الضمير تسببوا فى كارثه ..عرفوا الامتحانات من أمريكا و سربوها فى مصر و السعوديه سنه 2103 .. فا الcollege board عاقبت مصر و السعوديه بانهم خفضوا عدد محاولات تحسين الطالب من 6 محاولات الى 4
فى مشكله أخرى ... برضه نتيجه التسيب و عدم تطبيق القانون... مصر فيها أفواج من طلبه الأمريكان ... بلاد تانيه زى لبنان مثلا و تركيا و دبى عدد الطلبه قليل و مستواهم ضعيف .. فا الaverage بتاعهم قليل و الفلوس بتدى تسهيلات كتير على حسب قول الاباء.. فا بعض المستغلين هنا بقوا ينظموا رحلات لطلبه انهم يطلعوا يمتحنوا فى بلاد اخرى بالرغم من ان القانون بيقول لازم الطالب يمتحن فى البلد الى هو درس فيها ..
دى فرصه للطالب الضعيف ... بس ظلم للطالب الى ذاكر ... و ممكن فعلا حد يسافر و هووب! تقوم الوزاره متعتمدش النتيجه .. القرارات فى مصر بتطلع فى ثوانى.
طيب ال IG
مميزاته:
- تختار المواد الى انت عايزها و الى بتصب فى الاخر فى اتجاه الجامعه الى الطالب ناوى يدخلها
- ليك الحريه تمتحن امتى و حريه اختيار عد المواد فى السنه
- المواد فيها مواد فهم و فيها حفظ زى مثلا الكيمياء و العربي ...
- التصحيح بحق ربنا و نسبه التظلم تكاد تكون منعدمه
- المحتوى الى بيتدرس مفيد و غنى.
- امتحان Cambridge مش كله واحد زى الSAT ... لا .. فى امتحان للطلبه الى لغتهم الاولى انجلش و امتحان تانى للطلبه الى لغتهم التانيه انجلش
عيوبه:
- لازم الطالب يكون كويس جدا فى الEnglish ..مينفعش نص نص
- كم الدروس و المنهج كبير
- المجموع على درجات الامتحان و بس
- غالى تسبيا عن الأمريكان فى بعض المدارس.
- مفيهوش تهريج! يعنى مثلا فى الامريكان ممكن الطالب يعك فى امتحان و ينجح بمتوسط الواجب و المشاريع الى بينفذها ... الIG مفيهوش الكلام ده .. زيه زى ثانويه عامه .. حليت كويس هتنجح ..محلتش هتسقط.
مواد أولى ثانوى اسمها O level و هما 8 مواد و الطال بيختار بين Arabic, Chemistry, Biology < Accounting, Business , Physics etc....
و دول ممكن تقسمهم براحتك على 3 سنين و ممكن تعيد اى ماده منهم لو عايز تحسن درجتك
فى 2ثانوى المواد اسمها AS Level و دول مكملين للO Level و ليهم علاقه باختيارك للجامعه .. لو هندسه يبقى هنختار Math and Physics
لو طب يبقى Biology and Chemistry
فى 3 ثانوى او grade 12 يا اما متاخدش حاجه خالص او تحسن من درجاتك او يكون عندك باقى من مواد اولى و تانيه ثانوى او ممكن تزود حاجه اسمها A level او A2
و ده تكمله لل AS Level و المواد فيه بتتشرح بعمق أكبر و طبعا أصعب.
بالنسبه للتنسيق, التنسيق بيشوف مجموعك فى الAS Level أعلى ولا لو ضفنا اليه الى A Level اعلى و بيكتبلك الأعلى فيهم.
الCanadian
معنديش عنه معلومات كتير للأسف ..
لو هيدخل جامعه حكوميه ..لازم بيدخل امتحان الSAT الأمريكى ..ز انما لو هيدخل جامعه خاصه مش بيدخل الSAT
برضه لازم ينجح فى 8 مواد مؤهله للكليه الى هو ناوى عليها و طبعا هو الى بيختارهم و بيقسمهم على grade 11 and 12
النظام الكندى ظريف جدا و بيعتمد على فهم الطالب اكتر من الحفظ و بيشجع الابداع و ان الطالب يقول رأيه و يستخدم مخه
ال3 مدارس الى معتمدين فى مصر من كندا هما:
Heritage 6th of October >> Manitoba
BCCS Shrouk City >>> British Colombia
CISE Tagamo3 el 5ames >>> Ontario
فى أنظمه تانيه بس انا مش عارفه عنها حاجه زى المدارس التركيه زى صلاح الدين ليها فرع فى التجمع و فرع فى بنى سويف. و فى مدارس ايرلانديه بس انا مش فاهمه هتفرق ايه عن ال British اذ ان Ireland تتبع المملكه المتحده
و فى المدرسه الصينيه التجريبيه فى 6 اكتوبر و طبعا فى الالمانى و الفرنسى و حاجات تانيه كتير.
نحاول ندور على مدرسه ادارتها كويسه و strict لأن المدارس الدوليه سلطه وزاره التعليم عليها كاد تكون معدومه حتى لو القانون نص عكس ذلك ... بدليل ان الوزاره ملهاش اى دعوه بيهم فى اى حاجه و حتى لما بتطلع قرار ان مينفش المصاريف تزيد عن 10% بيزودوا برضه.
المدارس و الجامعات الخاصه هو مشروع استثمارى لصاحبها بالدرجه الاولى و مصلحه الطالب بتيجى فى الدرجه التانيه و الاهالى عارفين كده ..الامن رحم ربي طبعا
و مفيش حاجه اسمها Semi international ده نصب علنى ... ده تعليم عادى ناشيونال و بيزودوا كام حاجه و ياخدوا مصاريف الانترناشيونال
يا رب البوست يكون ساعد اى ولى أمر فى اتخاذ قرار او انه يكون فهم حاجه بشكل أوضح.
معلومات عن ال IB
ال IB عباره عن ٦ مواد اساسيين بالاضافه الى CAS, extended essay and the theory of knowledge. المواد الاساسيه مجموعهم من ٤٢ يعنى الماده من ٧. بيتم اختيار٣ مواد high level و دول غالبا بيكونوا مواد التخصص يعنى الى عايز يدخل هندسه يختار math and physics high level و الى عايز يدخل business or political science بيختارhistory or business or ممكن بعض الاولاد يختاروا اربع مواد high level بدل ٣ و دى بتزيد درجه الصعوبه. لازم برضه يختاروا من ال٦ مواد english or arabic. كل المواد مجموعها من ٧ سواء كانت high level او لا. اما ال extended essay ,CAS and TOK فدول مجموعهم من ٣. ال CAS دا اختصار creativity, action and service و دا ما لوش درجات بس لازم ينجح فيه الطالب. لازم يشتغل حاجه خاصه بالابداع و يلعب رياضه و يخدم المجتمع و لازم يثبت اول ب اول للمدرسه انه بيعمل الثلاث حجات دول. اما extended essay دا بيقدمه ابطالب خلال السنتين و بيكون ٤٠٠٠ كلمه و مجموعه هو و theory of knowledge من ٣. ال TOK بقى مش ماده محدده ، هى بتشتغل على طريقه التفكير و عرض وجهات النظر و بيتم دراستها خلال السنتين. الامتحان بيكون فى نهايه السنتين بس دا مش معناه ان الطالب ينام طول السنتين و يذاكر اخر شهرين لان النظام تراكمى و فيه امتحانات طول الوقت و الطلبه مطالبين بانهم يلتزموا ب dead lines المفروضه عليهم. عموما ال IB نظام تعليمى ممتاز بس المهم الطالب يختار المواد المناسبه لقدراته و يعرف ينظم وقته لانه نظام بينحت مهارات الطلبه و يحطهم under pressure طول السنتين
كل مدرسه بتختار هى عايزه تقدم الIB من سن ايه
و ده لينك فيه اسامى المدارس الى معتمده فى مصر و بياخدوا انهى مرحله
http://www.ibo.org/en/programmes/find-an-ib-school/
‪#‎englishcourses‬
‪#‎useful_info‬
‪#‎learning_english‬
‪#‎sara_ghazi‬
‪#‎Education‬
‪#‎Learninginegypt‬
‪#‎bridget_adams‬
-----------------------------------------------------------------------------

بعض الروابط من التعليقات:https://www.facebook.com/events/978686342204572/
تعرف على الجامعات الخاصة المعتمدة في مصر 
 

الأحد، 8 نوفمبر 2015

من أسئلتكم : هل الأمر يستحق كل هذا التعب؟

ورد إلينا هذا السؤال لأعضاء الجروب من إحدى الأمهات (من أهم مزايا الجروب هو الدعم المتبادل بين الأعضاء :) وبحمد الله توالت الإجابات كما ستقرأون )
س:
سؤال فلسفي بحت
بس محتاجة اناقشة مع نفسي و معاكم
احنا هنا بنحاول نعلم ولادنا تعليم مميز
وبما اني هوم اسكول مع ولادي من ٦سنين

حاسه اني محتاجه دعم نفسي علشان اكمل
احنا ليه بنتعب كل دا ؟؟؟
لية كم المجهود دا فالتعليم ؟؟؟
والمحصلة اية ؟؟؟
ابني من اوائل مدرستة ،، عادي يعني
وبعدين
باعلمهم كدا لية ؟؟؟
محتاجه اتناقش ،،
خلينا نعتبر المناقشة عصف ذهني
‫#‏محتاجة_دعم_نفسي

-------------------------------------------
ج1 : الهدف الأكبر والاهم اننا نربي اطفال (سعداء) كده كده هيذاكروا ويمتحنوا ويدرسوا .الفكرة اننا نقدر نوفرلهم طريقة تخليهم يعملوا كل ده وهمه سعداء ..ايا كانت الطريقه ومهما كانت مجهده او مكلفه

ج2 : "كلكم راع وكلكم مسؤول عن رعيته" , "ما من عبدٍ يسترعيه الله رعية، يموت يوم يموت، وهو غاش لرعيته إلا حرّم الله عليه الجنة"
يعني احنا كمسؤولين عن أطفالنا وعن مجتمعنا, لو كنا عارفين الأفضل والأحسن ومعملناهوش أو مبيناهوش عشان نوفر جهدنا وتعبنا يبقى احنا محملناش الأمانة, الأمانة إن الواحد يعمل الأصلح للي بيرعاهم مش السائد والمعتاد. كمان كل جهد بنعمله مع أطفالنا بيزود قوة العلاقة بيننا وبينهم وبيخلينا نفهمهم ويفهمونا أكثر وده أحسن من العزلة الأسرية والصمت البيتي اللي سائد في أغلب البيوت الآن. و لو أنا مصبرتش على ابني وتعبت معاه عشان أخرج أحسن ما عنده وأخليه يوصل لأحسن مستوى يقدر يوصله ... هل فيه مدرس هيعمل كده؟
ده غير السؤال بقى: أنا لو وفرت جهدي ووقتي, هاعمل بيهم ايه؟ تربية الأولاد عبادة لو فيه نية, والمال بيروح والله في الفاضي والمليان, وراحة ساعة بتشيل تعب يوم ... أما اللي مرتاح على طول ده هو اللي في آخر العمر بيتعب ويندم أو على الأقل مش بيستفيد بالوقت للآخرة , فلو هانتعب هانتعب , يبقى نتعب عشان أولادنا :)


ج3: احنا بالتعليم المنزلي بنربي عيالنا كبشر .... يشعر الواحد منهم بالعلاقة الاسرية اولاً يشعر بعلاقته مع العلوم والكتب والمعرفه ...يشعر باهمية اننا نشغل مخنا ....
نستخدم ايدينا في رسم خريطة او جهاز من اجهزه الجسم ... نستخدم لغتنا للتعبير والمناقشة ... نستخدم صوتنا للالقاء ...
تصبح عيوننا مفتوحة لترى وتشاهد وترصد ... وليست مفتوحة لشرود العقل في مكان اخر ...!!!
نتعلم منزلي حتى لا نفرح بجرس انتهاء الحصة ولكننا نفرح لاننا وجدنا جواب ما يدور باذهاننا من اسئلة ...
نتعلم حتى نعرف كيف نحرك سيارتنا بين الزحام بعقلنا لا باخراج يدنا من النافذة ورفع صوتنا بالصراخ هههههه
وبما انك علمت ابناءك ست سنوات منزلي .. لابد انك لاحظتي اختلافهم عن اقرانهم في التفكير وفي اللعب وفي التصرفات ... كل هذا سيفرق معهم حين يكبروا ويعملوا ... اصبري و استبشري خيراً فانت تزرعين نباتاً غاليا انت تزرعين انسااان


ج4 : رد مبدأي هو هدفي أصلا من الزواج والإنجاب. قول الله على لسان خليله ومن ذريتنا أمه مسلمه لك
تحسبيها يمين وشمال لن يعدل عمل صالح في حياتك ولا بعد وفاتك ان يكون من ذريتك " أمه " " مسلمه " لله عز وتعالى وتبارك سبحانه
التربيه المعقولة ممكن تخرج ابن مسلم التربيه المتعوب فيها ممكن تجيب ابن وحفيد مسلم
إنما ذريه هي أمه في إسلامها لله. دي تربيه فيها نيه وتوكل وإحسان وبذل وسعي ومجاهده ومكابده. اسأل الله ان يقوي ظهورنا ويلهمنا سبيل الرشاد

ج5 : امبارح كنت فى زيارة لاحد الامهات فى نطاق شغلى ابنها متخرج ومبيشتغلش بياكل ويشرب وينام او ياخد فلوس وينزل مع صحابه ويرجع اخر اليل
كان معايا زميل بيقولها معلش فترة وهتعدى قالتله هو انا كنت بعلمه واكبره علشان يقعد جنبى فى البيت لازم يساعد لازم يشتغل لازم يحس بالمسؤلية
الست لخصت حوار التعليم كله (حلو وحش غالى رخيص...مش فارقة )
فى النهاية احنا بنتعلم علشان نشتغل علشان نعيش


ج6 : هاتعرفى الفرق لما ولادك يكبرو ويبقو اصحاب مشاريع أيا كان نوعها تفيد الامة . لما ولادك باذن الله عندهم قدرة على حل المشكلات بشكل يفوق اقرانهم . لما بيوتهم تبقى مختلفة عن بيوت عادية عاشت وماتت من غير ما تعرف الغاية من وجودها . لما كل اللى حواليكي هموم ولادهم بتكبر مع كبر ولادهم وانتى حملهم بيخف من عليكي كلما كبرو . سؤال بييجى على بالى دايما . لو انا ماعملتش ده دلوقتى امال هاعمله امتى . وايه البديل . البديل برضه هايبقى فيه مجهود وتعب قلب . ادخلى على صفحات أولياء امور أى مدرسة فى اى مرحلة .مشاكلهم لا تقل عن مشاكلك بل تزيد . طب خلاص بفى طالما تعب بتعب يبقى اتعب على حاجة تستاهل . وكفاك أن ترى الله من نفسك خيرا

ج7 : الجهد ده علشان احاول ان ابنى يبقى له بصمه فى الحياه يقدر يؤدى الهدف اللى ربنا خلقنا علشانه عباده وتعمير لاننا للاسف ﻻ نعبد الله حق عبادته وﻻنؤدى دور التعمير بطريقه صحيحه وﻻزم ده يبقى هدف ﻻوﻻدنا مش يكون هدفهم شهادات وسمعه واسم يكون هدفهم بصمه
ولو قدرنا نحقق ده مع وﻻدنا يبقى احنا كمان وضعنا بصمه وعملنا حاجه كويسه نقابل بها ربنا عوضا عن فشلنا الشخصى وطبعا اذا خلصت النيه فاعمال ابناءنا فى ميزانا ايضا


ج9 : مفيش اجمل من انك تشوفى ابنك احسن منك وتشوفى ثمرة جهدك قدامك وتحسي انك عملتى ليه افضل شئ متوفر لكى
كمان زمانهم مختلف عننا
وسيدنا على قال ﻻتربوا اوﻻدكم كما تربيتم فهم خلقوا لزمان غير زمانكم
وهم زمانهم محتاج ناس شخصيتها قوية فاهم تاخد قرار ازاى
زمن صعب كله فتن مااطمنش على بنتى او ابنى ان حد تانى يزرع فيه قيم ممكن تكون غلط
سيبك من الدرجات والمراكز لو على كدة فيه ناس معاها حرف ومهارات يدوية والله عايشين ملوك عننا ومستوى مادى ممتاز
المهم الدماغ الفكر

مصادر اللغة الإنجليزية

تكرر كثيرا سؤال الناس عن مصادر لتعليم الانجليزية سواء لهم أو لأولادهم, وسبق أن قمنا بمشاركة الكثير من المصادر على مجموعة التعليم المرن
بداية ننصحكم بتطبيق Memrise  أو Doulingo  :أداة يومية على هواتفكم الذكية, يمكن استخدام التطبيق خلال اليوم في الأوقات الميتة , خاصة أن أي تدريب عليه لا يتجاوز ال 3 دقائق تقريبا :)
ثانيا: قمنا في مدونة بنك معلومات التعليم المرن بجمع الكثير من المصادر من منشورات مختلفة على الفيسبوك , ويمكنكم الرجوع لهذه القائمة هنا.
أو يمكنك متابعة هذه المواقع المجانية 

المهم أن تقوم بتخصيص وقت محدد يوميا أو أسبوعيا لتعلم اللغة من مصدر أو اثنين فقط (إلى جانب أحد التطبيقين المذكورين في بداية المقال) لتجنب التشتت وضياع الوقت :)

كم من الوقت ينام أطفالكم؟ وكم من الوقت تنامون؟

في مقال سابق (راجعوه هنا) تحدثنا عن أهمية النوم في التعليم وتحسين أداء العقل والذاكرة. واليوم نعطيكم جدولا لساعات النوم الموصى بها علميا من "المؤسسة القومية للنوم" بالولايات المتحدة الأمريكية وهي مؤسسة عريقة تم تأسيسها منذ 25 عاما وتهدف لتحسين

الأحد، 1 نوفمبر 2015

عربي ولا لغات؟؟

نتلقى منكم كثيرا هذا السؤال: هل يدرس أطفالنا بالعربية أم بلغة أجنبية؟ وما هو الخيار الأفضل؟ وهل هناك أبحاث علمية تدعم أي الاختيارين؟
ونجيب عليكم بالآتي :) 
في عالم صار التفوق اللغوي فيه ضرورة وخاصة بالنسبة للاقتصاديات الاعتمادية مثل أغلب الدول العربية, فإن اللغة الأجنبية قد صارت ضرورة لا يمكن تجاوزها, بل وصارت هناك حاجة لتعلم أكثر من لغة بجانب العربية لزياة فرص العلم والإطلاع على مصادر متعددة للمعرفة والثقافة.
كما أن الأبحاث تشير وبشكل متكرر إلى فوائد تعلم الطفل للغتين في سن مبكرة, وأن هذا يزيد من قدرته على التركيز وحل المشكلات والإبداع, وأنه يتفوق على أقرانه الذين لا يتعرضون إلا للغة واحدة (بل إن الفروقات تبدأ في الظهور من سن 10 أشهر!) ويمكنكم قراءة هذا المقال الذي يلخص نتائج الأبحاث الحديثة في الموضوع.
حسنا, هل يعني ذلك أن الأمر قد حسم وعلينا تدريس الأطفال بالإنجليزية؟ 
كلا, فهناك جانب آخر مهم من الأبحاث ينبغي الانتباه له لأهميته وأثره المثبت بالتجارب العلمية في أكثر من دولة حول العالم.
صحيح أن تعلم "لغة أجنبية" مفيد للطفل ذهنيا, إلا أن تعلمه للمواد العقلية والمنطقية (مثل الرياضيات والعلوم) بلغة غير لغته الأم يؤثر على الطفل نفسيا وذهنيا ... ولكن بالسلب! أي أن الأطفال الذين يدرسون العلوم والحساب بلغة غير لغتهم الأم يحصلون ويستوعبون أقل من أقرانهم الذين درسوا هذه المفاهيم بلغتهم الأم التي يتعاملون بها في حياتهم.
وللتحقق من هذه الأبحاث يمكنكم الرجوع لتقرير اليونسكو الصادر عام 2007 في هذا الرابط:
http://unesdoc.unesco.org/images/0016/001611/161121e.pdf

[رابط بديل]
والذي قام ببحث شامل عن تدريس العلوم والرياضيات بلغة غير اللغة الأم عبر الكثير من الدول وفي أكثر من قارة, وكانت الخلاصة التي وصلوا إليها من هذه الأبحاث أن الفارق في المستوى واضح لصالح الطلبة الذين يدرسون بلغتهم الأم 
كذلك يشير هذا البحث إلى ذات النتيجة بعد مقارنته للأداء في عدة مواد (كيمياء , رياضيات, أحياء ... الخ), وقد وصل أيضا إلى نفس النتيجة: هناك فروقات واضحة وملحوظة في الأداء بين الطلبة الذين يدرسون بلغتهم والذين يدرسون لغة ثانية
وغيرها من الدراسات الكثير جدا, كهذه مثلا

إذا كيف نجمع بين هذه النتائج التي تبدو متناقضة؟
نصيحتنا للاستفادة من الجانبين هي أن نخرج من القالب المعتاد للمدارس في مصر وغالب البلاد العربية, وهو أن تكون الدراسة إما بالكامل بالعربية أو بالكامل بالأجنبية.
ننصحكم كأولياء أمور تحرروا من المنظومة المدرسية الجامدة أن تحرصوا على أن يتعلم أطفالكم لغة أخرى ولكن كلغة فقط, يمارسها في قراءة الكتب والقصص والحديث مع من يجيدونها وغير ذلك من الممارسات العامة. وأيضا ننصحكم ألا تستسلموا للتيار السائد, وأن تقوموا بتعليم أطفالكم العلوم والحساب باللغة العربية, وأن تشرحوها بما يقربها من حياتهم اليومية وبالكلمات الدارجة قدر الإمكان, فهذا يسمح للطفل بفهم أعمق وأكثر وضوحا للمفاهيم العلمية وسبب اختيار المصطلحات وكيفية استخدامها.